accipe Aureum numerum dicti anni, qui est 17. Commune Loculamentum concursus, si inde deorsum, hinc dextrorsum pergas, exhibebit Epactam 25 diverso charactere scriptam.
PEr Tabellas temporarias sic. Ex Tabula aequationis et expansa Epactarum extrabi possunt variae Tabellae temporariae ad inveniendam Epactam pro variis saeculis, quarum una serviat ab anno correctionis Calendarii 1582, usque ad annum 1699 inclusive, alia ab anno 1700, usque ad annum 1899 inclusive; alia ab anno 1900, usque ad annum 2199 inclusive, et sic ulterius. Unam aut alteram apponam, si prius constructionem docuero.
Constructio Tabellarum temporariarum sic se habet. Quaere saeculum, pro quo construere vis Tabellam, in Tabula aequationis supra Cap. 12. tradita, et vide, quam litteram habeat ad latus appositam. Eandem litteram quaere in Tabula expansa ibidem tradita, et lineam Epactarum ipsi corresponderem excerpe; habebisque Tabellam temporariam pro illo saeculo. Sequuntur Tabellae duae, ad quarum finem adscripsimus annos, a quibus ipsarum usus, intra tempus illud, quo durat, denuo incipit, uti mox explicabitur.
I. Tabella temporaria Epactarum a die 5 Octobris anni 1582, usque ad annum 1699 inclusive.
II. Tabella temporiaria Epactarum ab anno Domini 1700, usque ad annum 1899 inclusive.
