Page:Organum mathematicum libris IX. explicatum (1668).djvu/522

revertendo ad secundum articulum Pollicis sinistri, et pergendo per reliquorum digitorum articulos secundos usque ad 20; ac demum revertendo ad tertium articulum Indicis sinistri, et pergendo per reliquorum digitorum (pollice dextero excepto) articulos tertios, usque ad vigesimum octavum, prout apparet in Figura 13 et 13.
II. Incipe a tertio articulo Indicis digiti manus dexterae, cui adscriptus est numerus 28, et colloca ibi litteram A; in sequenti vero Medii digiti articulo tertio, ubi est numerus 27, colloca litteram B; in Annularis digiti articulo tertio, ubi est 25, litteras D E. Perge deinde ad sinistrae manus digitorum articulos tertios, et colloca ad numerum 24 litteram F, ad numerum 23 litteram G, ad numerum 22 litteram A, ad numerum 21 litteras binas B C. Tum perge ad secundos articulos, et, incipiendo a pollice dextero, colloca ibi litteram D, in sequentibus E, et F, G A, B, C, D, E, F, etc. prout in iisdem Figuris apparet. Hoc solum diligenter observa, ut quarto quolibet loco seu sede duas colloces litteras, propter annos bissextiles, quorum Cycli in loca illa cadunt.
III. Facta hac collocatione numerorum ac litterarum, sic invenies quovis anno dato, in perpetuum, litteram Dominicalem; praevia Cycli solaris cognitione. Numerum Cycli Solaris dato anno competentem, et per Regulam V inventum, quaere in digitis: littera numero adscripta est Dominicalis quaesita, sive una sit, sive gemina.
Notandum tamen, quando gemina occurrit littera, annum esse bissextilem; et priorem, quae ad sinistram est collocata, in usu esse bissextilem; et priorem, quae ad sinistram est collocata, in usu esse a principio anni usque ad diem intercalarem, seu Festum S. Matthiae, alteram hinc usque ad finem anni.
EXEMPLUM I. Sit invenienda littera Dominicalis anni 1593. Cyclus solaris dicti anni est numerus 6: quem invenies in supremo articulo digiti Auricularis manus dexterae. Littera G illi adscripta, est littera Dominicalis illius anni.
EXEMPLUM II. Vis scire litteram Dominicalem anni 1779. Cyclus solaris est numerus 24, collocatus in infimo articulo

◅▻