debitum modo jam dicto; deinde ab adjunctis annis abjice 28, quottes potes, et residuum serva; demum numero Cycli solaris centesimi illius adde tot unitates, quot continet residuum. Summa inventa si non superat 28, erit numerus Cycli Solaris quaesitus: si superat, abjice 28, et quod remanet, erit quod quaeritur. Quod si remanserint 28, aut 0, Cycli Solaris numerus erit 28.
EXEMPLUM I. Vis scire numerum Cycli solaris pro anno 1600. Quaere ejus sedem inter Articulos, et invenies in articulo tertio pollicis. Numerus ergo 13 articulo illi adscriptus, est numerus quaesitus.
EXEMPLUM II. Vis iterum scire numerum Cycli solaris pro anno 1666. Quaere primo sedem anni 1600, et invenies in eodem articulo tertio pollicis, cum numero 13 ipsi adscripto. Deinde ab annis 66 abjice bis 28, remanent 10. Demum haec 10 adde 13 antea inventis, habebis 23 pro numero Cycli solaris, praedicto anno 1666 competente.
Facile est, invenire sedes centesimorum in septem articulis, si primo articulo adsignetur centesimus 0, secundo 100, tertio 200, uti diximus. At non adeo facile est scire, qui numeri Cucli Solaris quibus centesimis et articulis competant. Difficultatem minuet, et memoriam juvabit quod sequitur. Anno proximo ante Christum natum fuit numerus Cycli Solaris 9. Hic ergo collocandus est in primo pollicis articulo, ubi est annus Christi 0, hoc est, annus Christi ortum proxime praecedens. Si jam ex centum proxime sequentibus annis rejicias integrum Cyclum Solarem, nempe 28, quoties potes (potes autem ter) et residuum, quod est 16, addas ad 9, habebis 25 pro primo Christi centesimo, et omnibus aliis centesimis, qui cadunt in secundum pollicis articulum. Et quoniam Cyclus Solaris 28 in omnibus centenis annis continetur ter, et remanent 16; si ad 25 addas 16, et a summa 41 abjicias 28, remanent 13 pro ano Christi, et pro omnibus centesimis, qui in tertium pollicis articulum cadunt. Eadem ratione si ad 13 addas 16, fient 29; et abjectis 28, relinquetur 1 pro Cyclo ponendo in radice Indicis. Et si iterum ad 1 adjicias
