Ex hacTabula discis, anno 1700 esse eximendum diem 1 (praeter 10 in anno correctionis exemptos) in anno 1800 iterum diem 1, qui cum priori facit 2; in anno 1900 rursus diem 1, qui cum prioribus duobus facit 3; in anno vero 2000 nullum diem esse eximendum. Tres ergo primi centesimi anni sunt communes, quartus est bissextilis. Rursus anno 2100 eximendus est denuo dies 1, qui cum tribus praecedentibus facit 4; et sic deinceps, prout Tabula docet, quae ad libitum extendi potest.
Eosdem numeros et eodem modo, quo in Tabula praecedenti collocati sunt, dispone in quatuor digitis manus sinistrae Figurae nonae, singulos in singulis. Quo facto, omnes anni centesimi, qui cadunt in articulos trium priorum digitorum, sunt communes, et requirunt dies exemptiles ibi notatos: numeri vero centesimi, qui cadunt in quartum digitum, sunt omnes bissextiles, et nullos dies exemptiles requirunt.
