Paulina, et alii. Atque hic quoque error, nisi remedium fuisset adhibitum, semper magis ac magis progressus fuisset.
Atque hic secundus est error Calendarii Veteris, quod nimirum Novilunia coelestia anticipaverint Novilunia in Calendario per Aureos numeros singulis annis indicata. Et hic error tenet se ex parte anni Lunaris.
EX hoc utroque errore, Aequinoctii inquam coelestis anticipati, et Novilunii in Calendario per Aureos numeros postpositi, factum est, ut Pascha saepissime celebratum sit 7, aut 28, aut 35 diebus tardius praecedenti saeculo, quam Decreta Patrum praecipiunt, ut indicat Clavius in Calendario cap.2. et fuse ostendit cap.22. quoad saecula futura, nisi remedium per correctionem fuisset adhibitum. Quod quidem non exiguum est incommodum et absurdum. Accedunt alia quoque incomoda historiarum, temporum, et praecipuarum anni celebritatum Ecclesiasticarum, si Calendarium non fuisset mutatum. Nam dies Natalis Christi a Solstitio hyberno, et Natalis S. Joannis Baptistae a Solstitio aestivo, et omnia alia festa, in antecedentia enormiter fuissent prolapsa: Novilunia et Lunae aetates, quae singulis diebus in Ecclesiis cum Martyrologio pronunciatur, numquam fuissent recte pronuntiata: anni tempora, quae certis mensibus antea contingebant ut Solstitia, quae fiebant mense Junio et Decembri, Aequinoctia, quae mense Martio et Septembri, etc. in menses antecedentes migrassent, quoniam menses omnes in Calendario Veteri a dictis temporibus recedebant, propter nimiam Solaris anni Politici ac Juliani magnitudinem.
SUpra Cap. 5. §. 2. et 3. diximus, annum Solarem Politicum communem constare diebus integris 365, bissextilem diebus 366
