VIII. Ex omnibus punctis X erige perpendiculares X R pedum 90, pro Alis propugnaculorum.
IX. Puncta O R conjunge fune, et juxta funem erue leviter humum; et habebis Facies propugnaculorum pedum 210. Quas Facies si producas recta usque ad puncta S Cortinarum,determinabunt haec puncta Alas Cortinarum inter S et X , eritque recta S O linea Defensionis radentis seu stringentis.
I. Aliter etiam sine Capitali linea inventa habere potes Facies propugnaculorum , eorumque delineationem tam in campo, quam in charta, si a puncto X usque ad punctum S numeres tot pedes, quot competunt Alae Cortinae (nempe in casu nostro pedes 262) et a punctis S per puncta R educas rectas, donec concurrant in O.
II. Simili modo operaberis in campis per Pentametrum, aut Asserculum; quando ad centrum A accedi non potest. Sit enim supra planum Pantometri, aut Asserculi, delineata
Vide Iconismum XXVI.
Munitio Heganona praecedentis Figurae. Colloca Instrumentum primo in B, nempe in puncto, in quo vis constituere centrum unius propugnaculorum, et consequenter formare angulum Figurae Hexagonae; et, posito Cursore Pantometri, aut Regula Asserculi primo supra lineam B E Figurae delineatae, respice versus signum aliquod E in campo,et designa in terra aliam rectam B E 713 pedum. Deinde supra lineam B N Figurae delineatae, et respice versus signum aliquod N in campo,et designa in terra aliam rectam totidem pedum. Praeterea immoto manente Instrumento, pone Cursorem aut Regulam supra lineam B O figurae delineatae, et respice versus signum aliquod O in campo, designaque in terra rectam B O 209 pedum pro linea Capitali. His factis, pone Cursorem aut Regulam supra lineas X R, et in campo designa lineas X R 90 pedum pro Alis propugnaculorum. Demum conjunge puncta O R in campis reperta,et habebis duo latera Munimenti, et unum propugnaculum, delineata. His praestitis, transfer Instrumentum in E campi, et ,posito Cursore aut Regula supra lineam E B chartae, respice in B. Deinde, posito Cursore aut Regula supra lineam E F chartae, respice versus signum aliquod F in campo,
