signa A et B, aut duae inter se in campo aliquo dissitae aedes, aut cuo cortinam Muntionis cujuspiam claudentia propugnacula, a quorum uno ad alterum accedi non possit , queat tamen a B retrocedi in campo versus H, sice ad dexteramm sice ad sinistram. Numera a B usque in H pedes 100 et, posito Quadrante in H supra scabellum aut basin quamcunque, ita ut planum Quadrantis sit horizonti parallelum, colloca Regulam dioptricam primo supra latus HK, et visum dirige in B. Deinde,immoto manente Instrumento, verte Regulam versus L, et dirige visum per dioptras per L in A, et nota angulum K H L, quem dabunt gradus inter K et L intercepti. Hujus anguli Tangens K I, in Tabellis reperta, dabit distantiam B A in pedibus.
Si non potes retrocedere a B versus H per spatium pedum 100, retrocede per 10, et a Tangente reperta abscinde ultimam figuram ad dexteram. Alia multa docebit experientia et praxis inter operandum.
In Figura praecedenti Secentes C G, et H I, dant hypothenusas, seu diagonales distantias C B, et H A, in pedibus; Secantes, inquam,angulorum G C F, et I H K.
Vide Iconismi XVII Fig.I.
SIt in Figura I. latitudo MA, in cujus extremo M sit erecta altitudo M N 100 pedum. Ex N respice per dioptras N O lateris Quadrantis alterum extremum A, et nota gradum, quem perpenduculum N Q libere pendens abscindit.Angulum O N Q quaere in Tabellis, Tangens O P hujus anguli dabit latitudinem M A in pedibus.
