et toties sit operatio per Regulam Trium, quot sunt particulares summae. Unde versus:
Quatuor mercatores inito consortio lucrati sunt 3000 aureorum, sed primus contulit 30 aureos, secundus 50, Tertius 60, quartus 100. Quaeritur, quantum cuique ex communi lucro cedere debeat juxta proporionem collatae pecuniae. Adde in unam summam pecunias singulorum, habebis qureos 240. Deinde colloca numeros ut sequitur:
Operare jam quater juxta Regulam Trium Directam simplicem, et dic primo: 240 dant 3000, quid dant 30? Invenit pro primo aureos 375. Dic secundo: 240 dant 3000, quid dant 50? Invenies pro secundo aureos 625. Dic tertio :240 dant 3000, qui dant 60? Invenies pro tertio aureos 750. Dic tandem: 240 dant 3000, quid dant 100? Invenies pro quarto aureos 1250.
Examen sit, colligendo lucra omnium in unam summam: si enim resultat iterum peior summa totius lucri, v.g. in praecedenti Exemplo 3000 eureorum; bona fuir operatio.
Inventis per Regulam Trium lucris singulorum,excepto ultimo, non est necessarium, pro hoc instituere novam operationem: quod enim superest ex integro lucro, pertinet ad ultimum.
