Sit data Vox suprema, nempe Cantus praecedentis clausulae. Quaere in secundo Abaco Expanso notam ejus primam, hoc est, punctum primae notae respondens. Et quia quaevis Clavis tres columnas continet, describe inferiores notas ex quavis trium. Hic ex prima trieteridis ultimae, seu ex 25 columna sunt descriptae. Descriptis notis in palimpsesto tuo, quaere secundam notam supremae vocis, in pentagrammo Abaci,et reliquas inferiores exscrine ex columna, quae non sit eodem numero cum priori insignita, habeatque notam Baseos aut eandem,aut certe viciniorem priori notae Bassi. Eodem modo in reliquis procede usque ad finem. Stabit itaque tetraphonium,ut paulo ante in paradigmate apparet: in quo cernis servatam esse Regulam quintam respectu notae quintae Cantus ; quartam vero respectu notae penultimae Alti.
QUando amusus sibi ipis supremam Vocem formare vult, proclausula finali haec observet. Primo. Primae,antepenultimae, et ultimae notae in eadem stent Clavi, penultima vero una altius. Secundo. Primas melodiae notas capiat ex prima columna. Tertio. Si respectu notae antepenultimae inferiores non stent in prima columna,resolvantur in duas dimidias sui, et posteriores capiantur ex prima columna. Quarto. Penultimae notae sumantue ex tertia columna, ultimae vero ex prima. Quae omnia in exemplo posito servata sunt.
Vitet praeterea hiulcos ascendus et descensus, hoc est, nunquam fere plus quam tertio loco notae distent a se invicem. Haec omnia ex citato P. Georgio Behm.
