Primo. Impone singulis notis dictae clausulae, vel in pentagrammo, vel infra ipsum, suas corrispondentes litteras, ut vides in exemplo factum, nempe F,C,D,B,C,D,G.
Secundo. Quiniam prima Basis nota est F; quaere in fronte aut basi Abaci Melothetici ( aut Melotheticae columnae ) columnam F,et in eadem columna F , in pentagrammo Cantus ver. gr. selige punctum quodcunque ex quatuor ibidem notatis; et hoc punctum transfer in pentagrammum Cantis palimpsesti tui, notandi illus in eadem linea aut spatio pentagrammi palimpsesti, in qua linea aut spatio notatum est in pentagrammo Abaci. Deinde ex pentagrammo Alti ejusdem columnae F, selige quodvis aliud punctum , diversum tamen numerum habens a priori numero in Cantus pentagrammo; inventumque punctum transfer modo dicto in pentagrammum Alti palimpsesti tui. Tandem ex pentagrammo Tenoris praedictae columnae F , selige similiter quodvis punctum , diversum tamen numerum habens a praecedenti , et in Tenoris pentagrammum in palimpsesto transferas, modo antea dicto.
Tertio. Perge ad secundam notam in alias Voces transferendam : Quae eum in Basso sit in C, accipe ex Abaco columnam C et procede ut prius,notando unum punctum in pentagrammo Cantus, aliud in pentagrammo Alti, et aliud in pentagrammo Tenoris.
Quarto. Procede ad tertiam notam Baasis; quae cum sit in D, quaere in Abaco columnam D et operare, ut antea.
Eodem modo operaberis cum aliis notis Basis,usque ad finem clausulae,adeoque usque ad totius Basis ultimam notam.
