f. 30v
2o. eo quod illi Christus semper praesens adfuerit me Christo ipsa proximum, et vicinum redderet. 3o. quia[1] est benedicta inter omnes mulieres, ut inter homines maledictos non esse merear. 4. eo quod fructus eius est benedictus concedat mihi gratiam ad faciendum aliquem fructum in servitio Christi Domini nostri etc.
Quodam die scilicet dum Dominus Joannes volebat incipere peregrinari Coloniam, habui ingentia quaedam desideria, ut eius peregrinatio esset admodun accepta Deo Domino nostro, Matri eius, omnibus Angelis, et omnibus Sanctis, sed praecipue tribus Regibus, et sanctae Ursulae, consortibusque eius, et haec omnia ad commodum ipsius Domini Joannis, ad pacificationem tumultuum bellicorum, ad serenitatem temporis, ad compensationem boni ab Hispania recepti propter multas
_______________
- ↑ quia] add. ipsa MF
