Ill.me et R.me Domine.
Assidua litis molestia, quam plures mihi hic typographi de avito sacros Romani usus libros cudendi privilegio moverunt, et à qua tandem Ser.morum Belgicae Principum privilegium à se datum confirmantium auctoritas liberavit, hactenus scribendi munus mihi impedivit. Interea Andreae Brugiotti bibliopola opera liberius usus sum, qui meo nomine Ill.mae D.V. nonnullas typographiae meae fruges cum debito obsequio et cultu offerret. De officio Principia christiani librorum exempla una cum duplici Breviario extenso, et Manuali Exorcismorum, Ill.mam D.V. recte accepisse laetus intellexi. Spero postmodum De arte moriendi bina exempla, eodem Andrea Brugiotti reddente, pariter recepisse; una cum Annalibus sacris Tornielli, P. Lessii De perfectionibus divinis Libris XIV, P. Thomae a Jesu De contemplatione divina Libris sex, R.mi nostri Malderi Anti-synodicus, Hypocrisi Ant.de Dominis a Fideli Annoso detesta, et P. Hermanni Eugenie De fide capessenda pro P. Lessio Libris Apologeticis. Quaeso Ill.am G.V. haec qualiacumque affectus et cultus mei testimonia boni consulere, et me ut solet amane ne gravetur. Antverpiae, in officina Plantiniana, Prid. Idus Septemb. 1620.
Ill.mae G.V.
humillimus cliens
Balthasar Moretus
---page break---
Ill.mo et R.mo in Christo Patri ac Domino D. Rob. Bellarmino
S.R.E.Cardinali
Romam
Page:EBC 1620 09 12 2293.pdf/1
From GATE
This page has been proofread
