Page:EBC 1620 06 20 2258.pdf/1

Illustrissime et R.me Domine Cardinalis
Pax Christi. Intelligo Sacratissimum Imperatorem nostrum Ferdinandum Romae a quibusdam censeri, propter quandam promissionem haereticis factam in negotio religionis. Hac de causa mitto Illust.mae D.V. brevem informationem de toto negotio, et obnixè precor, ut eam perlegat, ac simul paucis verbis mihi insinuet, an merito censeri autreprehendi debeat, necne.
Prodiit 2 tomus Marci Antonii de Dominis, qui sine dubio a multis refutabitur. Exemplar nondum accepi. Si accepero, fortasse refellam hominem, si operae pretium videbitur. Fersuasum habeo, multa illum in hac materia scripsisse centra Illust.mam D.V. Sed veritas non expugnatur.
Imperator noster magno animo est, et quotidie exppectat subsidium a Bavaro, Saxone, Spinola. Hostis potens est; et timemus ungaros et Turcas. Sed Deus aderit optimo Caesari.
Illust.ma D.V. ignoscat mihi, si sim importunus, cujus sanctissimis sacrificiis me humillimè commendo.
Viennae 20 Junii 1620.
Illust.mae et R.mae D.V.
Servus in Christo
Martinus Becanus.
---page break---
Illust.mo et R.mo D.no D.Roberto S.R.E. Cardinali Bellarmino, e Societate Jesu, D.no observandissimo
Romam