Page:EBC 1619 12 07 2173.pdf/1

Ill.me et R.me Domine. Litteras Ill.mae D.V. datas die 27 septembris accepi, et statim voluissem adire summum Pontificem, et patere id quod Ill.ma D.V. per me peti volebat, sed quia Pontifex extra Urbem in suburbano suo Tusculano agebat, non potui per aliquot dies cum eo colloqui. Cum autem in Urbem reversus esset, ad ivi Sanctitatem ejus, et patii id quod pro sorore Ill.mae D. V.ae petendum erat; et ne Pontifex oblivisceretur, more solito libellum supplicem illi obtuli. Pontifex censuit rem esse difficilem, non propter eam quae ingredi vult monasterium, sed propter sanctimoniales, quae ex aspectu et colloquio foeminarum nobilium et conjugatarum possunt a daemone tentari in materia puritatis animae et corporis. Itaque promisit se cogitaturum, et ad libellum sup plicem responsurum. Post aliquot dies, remisit Sanctitas sua libellum ad Cardinalem Sanctae Susannae secretarium Brevium quae scribuntur ad Principes. Ille mihi retulit piacere Pontifici ut concederetur Dominae sorori Ill.mae D.V. id quod fuerat ante aliquot annos concessum nobilissimae cuidam Principi; et cum instarem ut Breve scriberetur, respondit non esse opus Brevi apostolico, sed litteris tantum, ad instar illarum quae scriptae fuerant ad aliam Principem. Ego interim incidi in morbum satis molestum, praesertim homini seni et invalido; et quamvis per ministros meos urgeo quantum possum, ut Apostolici secretarii quaerant et inveniant litteras ad quarum similitudinem scribendae sunt litterae ad sororem Ill.mae D.V., nescio tamen quando hoc negocium finiendum sit. Interim nolui tamdiu differre responsionem. Valeat igitur Ill.ma D.V. mei memor in sanctis precibus suis; et cum litteras pontificia habere potuero, statim mittam. Datum Romae die 7.a Decembris 1619.