Page:EBC 1619 10 12 2160.pdf/1

Nos Robertus Tit. S.tae Mariae in Via S.R.E. Pbr. Cardinalis Bellarminus.
Dilecto nobis in Christo nobili Joanni Philippo Varin Bernensi converso ad fidem catholicam Apostolicam, et Romanam, antehac ministro concionatori haereticorum ex Urbe, quo ad Sanctorum Apostolorum limina visitanda proximis mensibus se contulerat profiscenti, has literas dedimus, quibus illum omnibus Archiepiscopis, Episcopis, caeterisque Christi fidelibus diligenter in D.no commendamus; petimusque ab eis, ut eum benigne excipiant, itinerum ejus securitati faveant, ac omnibus christianae charitatis officiis prosequantur, et juvent. Quod et illorum pietate maxime dignum erit, ac nobis longe gratissimum. Datum Romae ubi nulla est pestis, aut alicujus alterius morbi suspitio, die 12 Octobris, 1619.
Robertus Card.lis Bellarminus
Antonius Doctus sec.us de mand.to