Page:EBC 1619 06 22 2122.pdf/1

Admodum R.de Pater, Discedit ex Urbe Dominus Michael Willius Argentinensis, juvenis egregiae indolis, eruditus et pius, et mihi familiaris. Eum ego per Reverentiam vestram commendatum cupio Sereniss.o Archiduci Leopoldo, Episcopo Argentinensi, quamvis eum opiner non multum egere mea commendatione, cum ipse idem Serenissimus et humanissimus Princeps eumdem Michaelem William venientem ad Urbem commendaverit Ill.mo Card.li Burghesio. Interim nos hic, praesertim ego senex imbellis, et alii mei similes oramus Deum pro felici eventu bellorum quae istic geruntur pro fide contra perfidiam, et pro piissimo et christianissimo Rege Ferdinando centra rebelles et in mille sectas dissectos Subutraquistas, aut verius nullistas. Vale mi Pater mei memor in sanctis precibus tuis. Romae die 22 junii 1619
(autogr.): Scrivere al P. Henrico Velloro della Comp.a.