Page:EBC 1616 12 20 1785.pdf/1

Admodum excellens Domine. Diu multumque Indoravi in negotio vostro, et tamen nihil obtinui. Nam porrexi libellos supplices sanctissimo Domino, tum pro privilegio librorum imprimendorum lingua germanica, tum pro legitimatione; et omnia diligenter explicavi, et adjeci etiam pro privilegio impetrando commendationem Serenissimarum Dominarum Mariae, et Eleonorae. Sanctissimus cupiebat utramque gratiam libenter tacere si posset, et remisit libellum priorem ad Card.lem S.tae Susannae, qui praeest Brevibus Apostolicis, et posteriorem ad D. Datarium, qui praeest Bullis Pontificiis. Card.lis s.tae Susannae respondit, privilegia pro libris imprimendis pro lingua germanica non solere concedi a Summo Pontifico, quia non imprimuntur, nec venduntur ejusmodi libri in Italia, ubi ipse habet temporalem jurisdictionem, et potest poenas temporales adjungere. Solet quidem aliquando dare privilegia pro omnibus provinciis christianis, et addere poenam spiritualem, id est excommunicationem; sed non facit, nisi pro libris ecclesiasticis toti Ecclesiae necessariis: non enim licet excommunicare pro solo temporali . . .
Porro libellus alter non pervenit ad manus D. Datarii, nec scimus cujus culpa id acciderit. Ego enim cum fecissem,quod meum erat, admonui Religiosos Patres Servitas, qui isthuc ad nos venerunt, ut solliciti essent de expeditione Bullae. Sed illi post multos dies ad me redierunt re infecta. Et quondam illi recedere cogitant ab Urbe, ego iterum aggredior negocium,si tamen ipsi relinquunt hic Romae sollicitatorem. Vale Excellens Domine, et me, ut facis, amare perge. Datum Romae, die 20 Dicembris 1616.
---page break---
Munchen. Reichsarchiv. Jesuitica in genere. Fase.19 nr. 324. Minute autogr. de la réponse à la lettre du 19 oct.16l6 dont la fin seulement se trouve conservée, avec l'adresse du card. extér.:
Reverendissimo ac Illust.mo Principi D'no, D'no Roberto Bellarmino SS. Sedis Ap-lae Cardinali Domino atque Principi Clementissimo.
Romae.