This page has been proofread
Admodum Ill.ris et R.me Domine.
Accepi litteras R.mae D. V. datas mense Septembri de reformatione monasterii S.ti Huberti in Sylva Ardenna [1] Et quando fui admonitus ab Agente Abbatis, adivi Sanctissimum Patrem nostrum, et porrexi libellum supplicem, et simul optimum desiderium reformandi monasterium, quo bonus ille Abbas flagrat. Et quia res non erat difficilis, continuo summus Pontifex jussit expediri Breve. Si quid aliud posssim in gratiam Amplitudinis vestrae, vel Abbatis S.ti Huberti, offero utrique libentissime operam meam. His valeat R.ma D. V. mei memor in orationibus suis. Romae die 15. Decembris 1614.
R.dae Dom.nis tuae frater in Christo addictissimus
Robertus Card.lis Bellarminus
- ↑ Bald Gebirge.
