Page:EBC 1614 09 ca 1477.pdf/1

Robertus S.R.E. Cardinalis Bellarminus Eximio Sacrae Theologiae Doctori Andrene Duvallio S.D.
Venit ad manus meas responsio, quam scripsisti ad observationes quasdam ad te missas ex Urbe; et quoniam auctor observationum llarum ego sum, par est, ut ipse idem rationem reddam scripti mei. Ego igitur iussu SS.mi D.ni N.ri librum tuum recognoscendum suscepi, eoque recognito retuli ad S.tem Suam liorum esse valde bonum, doctum, perutilem; esse tamen pauca quaedam, quae librum utiliorem redderent, si in secunda editione vel mutarentur, vel omitterentur. Itaque observatio illa mea, non fuit reprehensio,vel vituperatio, multo minus investiva, quae publicanda esset, ut fieri solet, ab invidia obtrectatoribus, ad obscurandam gloriam pii scriptoris; sed fuit amica, et secreta admoniteio, qualem ego ab amicis semper optavi, et opto; fuit autem transmissa ad Reverendissimum Nuncium Apostolicum a Summo Pontifice amantissimo glorine tuae, ut tibi ostenderetur secreto, et privatim, ut non ab aliis admonitus, sed a te ipso excitatus in secunda editione recognitum librum meliorem,et saluti animarum utilio rem efficeres.
Venio nunc ad observationes meas, et responsiones tuas, et sicut ego candide et amice,solius communis boni gratia exponam sententiam meam, sic et tu vicissim candido et amico animo, si videbitur, illam probabis; sin minus improbabis, et uterque nostrum judicio S. Sedis Apostolica pacifico acquiescet.
---page break---
Haec a me scripta sunt, ut initio etiam dixi, non rixandi vel reprehendendi causa, sed fraterna Charicate admonendi, et consulendi et Sanctissimo Patri nostro Pontifici maximo obediendi. Ac ut in bonam partem omnia accipias rogo, et privatim apud te habeas. Deum vero pre cor, ut te pro Ecclesia sua strenue laborantem diu servet incolumem.
[R. Cardinalis Bellarminus Doctori Duvallio amicus ex animo.]

▻