Page:EBC 1614 09 15 1472.pdf/1

Ill^mi S.R.E. Card.^les Bellarminus, Burghesius, et Millinus Collegii Germanici et Ungarici Protectores, auditis R. P. Praepositio Generali Societ. Jesu, et eiusdem Collegii Rectore; melius provisum Germaniae Provinciis fore iudicantes, si pauciores in dictum Collegium Religiosi recipiantur: cum illi minori cum religiosae disciplinae detrimento in aliis Academiis litterarum studiis dare operam possint. Ideo communi consensu decreverunt, non plures sex posthac in Collegio Germanico esse debere diversorum Monasteriorum Religiosos, et quidem ex illis maxime qui annexas habent animarum curas: ut hac ratione recipi plires eorum possint, qui ab Episcopis proponentur, ut Parochiis regendis destinari possint. Ità decretum à supradictis Ill.^mis Card.^bus die 15 Septembris anno 1614.
R. Card.^lis Bellarminus.
S. Card.^lis Burghensius.
Jo: Garsia Card.^lis Millinus.