Ill.me Domine
Frater Hieronimus Laurentius Capucinus germanus meus cum ad comitia ordinis sui Romae anno superiori convocata proficisceretur, fasciculum in quo erat Appendix nostra ad Breviarium Romanum inter sarcinas Fiorentine reliquit. Cumque dudum ea noe aleret spes ut tandem haec certo nuncio ad Ill.mam et R.mam D. V. pervenirent, mirati sumus ea sic manibus ac memoria amicorum excidisse, indeque taatas moras post acceptas literas Ill.mae ac R.mae D. V. interjecimus, coacti postmodum ea R. P. Ruffo Augustiniano commendare. Appendicem ergo ad Breviarium ac Missale Romanum Ill.mae ac R.mae D. V.ae offero, ac suppliciter exoro uti illam sacrae congregationi exhibeat examinandam et approbandam, quatenus Ecclesia nostra im posterum his uti valeat amoto omni prorsus scrupulo. R.mus D.nus Franciscus Claretus J. U. D. Ecclesiae nostrae Archidiaconus hanc opellam cincinnavit atque contexuit, author ille, ego fidejussor, ambo opem nomenque Amplitudinis Vestrae imploramus; si ea qua solet singula comitate prosequatur, gratum Deo, Ecclesiae Arelatensi perutile, mihi totoque clero nostro honorificum praestabit, gratiasque sempiternas reddemus. Eadem insuper fiducia R. P. Ruffum et negotiade quibus pluribus vobiscum aget quantum possumus commendamus. Quae ab Ill.ma D. V. expectat sunt officia pietatis, e quibus religioni et Reipublicae Arelatensi maximi proventus advenient. Deus te multos annos servet incolumem Cardinalis Amplissime meque obsecro post deosculatas manus experire quantum sim ad omnia
Ill.me et R.me D.ne
V.rae Amplitudinis obsequentissimus
Gasp. Arch. Arelaten.s.[1]
- ↑ Gaspard du Laurens † (27 Giugno 1605 - 27 Luglio 1630)
