Page:EBC 1614 02 15 1387.pdf/1

Alexander Cervinus, M. Antonio Bonciario, S.P.D.
Libet amplissimo Cardinali Bellarmino avunculo meo, cujus nutibus parendum mihi duco, prae plurimis, iisdemque gravibus occupationibus suis, ejus nomine me tibi significare, gratissimas sibi fuisse literas tuas pridie Nonas Fabruarii datas, promissumque Poema diligenter perlecturum, ingenuo, libereque, ut solet, judicaturum, etsi nil, nisi praeclarum, et eruditione tua dignum, sibi polliceatur. Haec obiter. Nam altius aliqua seorsim mihi tecum repetenda sunt, quibus ut omissis, ut minus commode explicatis, superbi, et ingrati animi vitium non effugerem. Spacium praeteriit annorum ferme duodecim, ex quo, Angelo Ciaia affini meo internuncio, me in tuorum amicorum numero recepisti, mesique literis provocatus, non solum omni humanitatis officio respondisti, verum etiam edita in luce epistola, nomen meum (tui scilicet debitoris) immoratlitati consecrasti...
Vale. Romae XV. Kal. Martii 1614.
---page break---
Al m.^to R.^do Sig.^re oss.^mo il S.^or Marc Antonio Bonciario.
Perugia.