Page:EBC 1611 02 05 1037.pdf/1

Sicut ferrum a magnete trahitur et occulta vi allicitur, sic nos a tua virtute, Bellarmine Venerabilissime: qui postquam lucubrationes tuas in psalmos, pro incredibili tuo ac piane divino in Ecclesiae Dei bonum ardore atque studio susceptas, felici iam fine confectas esse, certo famae relatum didicimus, rem certe praeclaram et facturi et adepturi videbamur, si egregia ista de Deo et proximo bene merendi occasione per tuam nobis concessa benignitatem, typis illae potissimum nostris publioatae prodirent in lucem.
Noti sunt nostri labores, nota studia orbi litterario: et industrriam praecipue nostram fidemque multis comprobatam laborum testimoniis in dies experitur Societas lesu, qua Belgica nostra floret, vel una sollertiae nostrae testis in primis lucuples: quippe quibus id unum curae, ut accuratissimis eruditissimisque typographia nostra correctorious, cum non exiguis sane sumptibus in hoc munus collatis, exornata, quibuscumque libris summa cura excusis splendorem, auctori gloriam, nobis honorem, reipublicae litterariae fructum afferat minime poenitendum. Sed cum in hoc genere non opus apud te verborum nobis suspense sit hedera, speramus, tua pietate freti, thesaurum hunc nostra potissimum opera bono publico communicandum. Ad quam rem noe nostraque studia et officia liberaliter offerimus; eamque in ipso labore diligentiam, curam et vigilantiam impendemus, nunquam ut sit futurum ut tuae te bonitatis in nos poeniteat: cum inter prima et calida desideria nostra sit, ut hoc, ubi impetraverimus, reddamus effectum quam diligentissime. Ita te, Illustr.me et Reverendis.me Cardinalis, Ecclesiae suae fulcrum Deus conservai aeternum.
Antverpiae, 5.to Febr. 1611
Illustris.ae et Reverend.mae Tuae Amplitudinis Servus
Joachimus Trognoesius
Societatis Iesu typographus.
Illustrissimo et Reverendissimo Domino, D. Roberto Bellarmino etc