Illustris, et Admodum Reverende Decane. Litterae Dominationis Vestrae spirant zelum verae pietatis, qui si multis aliis tum in Germania, tum etiam hic in Italia vigeret, facile esset ecclesiam reformare, et reformatam defendere a temporalibus periculis. Sed Dominatio Vestra et qui ei similes sunt, praemium sine dubio reportabunt suae voluntatis a insto indice Deo; sed non videbunt nostris temporibus sua bona desideria compleri; nam etiam mala, quae Dominatio Vestra deplorai, nobis etiam magna ex parte communia sunt, et ea coram Deo assidue deflemus. Sed exigua spes affulget, ut remedium solitum ad ea tollenda adhibeatur. Non habui hactenus bonam occasionem agendi de bis rebus cum Sanctissimo Patre; sed brevi eam captabo, quamvis parum boni sperem ob morbum nimis inveteratum. Vale, vir optine. Romae die 21 Augusti 1610.
Epist. famil. LXXVIII.
