Page:EBC 1610 04 24 0972.pdf/1

Clarissime Domine. Egi cum Reverendissimo patre Generali de recognitione concionum mearum, qui scripsit ad rectorem collegii Coloniensis Iesuitarum, ut designet duos viros doctos ex patribus Iesuitis, qui opus concionum recognoscant, et sic recognitum edi permittant.
Ego autem valde cupio, ut vel typographus, vel Reverenda Dominatio vostra addat initio operis praefationem ad lectorem, in qua testetur, has conciones habitas fuisse Lovanii ante annos circiter quadraginta, cum ego adhuc iuvenis essem,neque me de editione unquam cogitasse, imo neque exemplum ullum, ao ne autographum quidem mihi servasse, sed inventas isthic conciones visum vobis fuisse in publicum edere ad communem utilitatem.
Quaestiones ad D. Gravium missas libentissime legam, si is eas mihi dare voluerit. Vale, doctissime Domine, et meam senectutem apud Deum precibus tuis iuva. Datum Romae die 24 Aprilis 1610.
R.dae Dom. T.
Uti frater
Rob. Card.lis Bellarminus.