Page:EBC 1608 04 12 0757.pdf/1

Admodum R.de Pater. Habeo duas epistolas, alteram datam 11 martii, alteram 27 eiusdem mensis. Gaudeo quod typographus invenerit editionem Venetam anni 1599 cui proprie respondet correotorium. Nec minus gaudeo, quod libellus Recognitionis iam ad vos perlatus fuerit. Quod attinet ad nomen Eucherii, placet ut ponatur primo loco inter auctorea, quibus tribuuntur homiliae Eusebii Emesini. Habeo magnas gratiaa R.V. quod laborem susceperit emendandi voces hebraicas. Scio nullum laborem tanta diligentia excudi posse, quin aliqui irrepant errores; sed errores quibua aspersam cernimus editionem Venetam tam graves sunt, ut multi dubitent, an oscitantia, an malignitas canea fuerit tam intolerabilis depravationis.
Optimum fuiseet, si D.Pillehotius curasset spargi per librarios Parisienses, editionem Venetam corruptissimam esse, adeo ut opus fuerit autori correotorium edere; se autem excudere idem opus iuxta correctorium Romae editum, et cum additione Recognitionis totius operis. Sic enim Pillehotius et sibi, et operi consuluisset. Neque enim facile emeretur libar Parisiis excusus, si innotesceret, eum librum corrupte impressum, et paulo post proditurum alium emendatissimum, et pleniorem. Sed quod factum non est, adhuc fieri potest. Itaque hortetur R.V. Pillehotium, ut scribat de hac re bibliopolis Parisiensibus.
De psalmorum explicatione iam scripsi saepius, me tam assiduis occupationibua detineri, ut vix respirandi, nedum commentandi otium habeam; si tamen Deus vitam, et gratiam perficiendi dederit, utar libentissime opera tam boni, et tam fidelis fratria. Fateor tamen valde mirari me, unde tot vires adsint P.Petro Maturo, quem totum canum, et piane maturum vidisse memini ante annos octodecim. Addat Deus et robur, et gratiam, et suo tempore mercedem plenam pro tam sanctis, tamque assiduis laboribus. Opto R.V. bene valere memorem mei in sanctis precibus suis. Romae, die 12 aprilis 1608.
R.V. frater, et servus in Christo etc.