Page:EBC 1606 03 02 0549.pdf/1

Dilecto filio nostro Roberto tituli Sanctae Mariae in Via, Praesbytero Cardinali Bellarmino nuncupato. Paulus Papa V. Dilecte Fili noster salutem, et apostolicam benedictionem.
1) Cum per obitum bonae memoriae Inici episcopi Portuensis, Cardinalis de Aragona nuncupati congregationis Coelestinorum dum vixit apud Romanum Pontificem et Apostolicam Sedem, Protectoris dudum apud Sedem Apostolicam defuncti, Gongregatio praedicta Protectore destituta remanserit
2) Nos eidem Congregationi de idoneo Protectore previdero volentes, ac de tuae circumspectionis singulari prudentia, doctrina, integritate, ac religionis zelo plurimum in Domino confisi, ac dilectorum filiorum Generalis, et aliorum superiorum dictae congregationis no mine porrectis nobis supplicationibus inclinati.
3) Te, ex cuius protectione ob tuas eximias virtutes congregationem praedictam plurimum commodi et ornamenti suscepturam esse confidimus, praedictae congregationis illiusque monasteriorum, et religiosorum quorumeumque apud nos,et Apostolicam Sedem Protectorem, cum omnibus facultatibus, iurisdictionibus,honorlbus et oneribus solitis et consuetis, et quibus alii ante te dictae congregationis Protectores usi sunt, et uti quomodolibet potuerunt, seu etiam debuerunt, ad tui vitam Apostolica auctoritate tenore praesentium facimus et deputamus.
4) Volumus autem, ac tibi in virtute sanctae obedientiae mandamus ut superiorum dictae congregationis auctoritatem, quantum fieri potuerit, conservare cures, et propterea cum ipsi superiores eorum officii debito satisfecerint, ac gubernio, et regimini subditorum sufficienter incubuerint, tam in negotiis eorumdem religiosorum te non immisceas, quando autem vel ab ipsis superioribus requisitus fueris, ut in eisdem negotiis auctoritatem tuam interponas, vel decesse fore cognoveris, ut eamdem auctoritatem tuam in eisdem negotiis
---page break---

▻