Page:EBC 1606 02 13 0543.pdf/1

Ill.me ac R.ssime Dne.
Debitum meum erga Ill.mam D. vestram quondam patrem meum spiritualem et praeceptorem, nunc dominum et patronum, desiderium authoris nobilis Arthesiani, viri catholicissimi et doctissimi, Ill.mam D. V. cum universo orbe christiano velut nostri seculi miraculum suspicientis et admirantis, novitas denique subiecti, impulerunt ut auderem D.V. hunc libellulum cum omni humilitate ac devotione presentare simulque rogare ut furtiva aliqua hora dignetur eumdem perlegere et quid de argumento et doctrina sola novitate prima fronte suspecta sentiat me uno verbulo admonere. Nemo est in ullo theologicae doctrinae genere versatus qui in Ill.mam .V. oculos non habeat conversos, nemo est qui iudicium vestrum velut lapidem lydium non expetat; quare humillime petenti non dedignatur annuere, et quod in minori fortuna solebat in hoc splendido et bene merito honoris gradu facere non recuset: addet procul dubio currenti calcare, et alia centra haereticos meditantem adiuvabit ut quod coepit perficiat.Ill.mum ac R.ssimum D. meum colendissimum Deus Opt.Max. quamdiutissime ecclesiae Capuanae, imo Romanae conservet. Insulis Idibus Februarii 1606.
Ill.mae ac R.ssimae D.V.
humilis servus
Gulielmus Giffordius Angelus ecclesiae Collegiatae
D.Petri Insulensis Decanus et canonicus.
Ill.mo ac R.ssimo Dno suo Colendissimo Cardinali Bellarmino
archiepo Capuano etc.
Capuae.