Page:EBC 1605 12 18 0526.pdf/1

Reverendissime Illustrissimeque Domine.
Magnum consequuti sunt beneficium
haec ab Apostolo excommunicationi attribuuntur, sed recte etiam possunt cuivis ab Ecclesia disgregationi competere, ac una insinuare, quantum me video viris illis ex animo debere, quorum praesente adiutorio, ad Ecclesiam revocatus, tanta, et tam horribilia pericula ex Dei gratia evaserim. Quorum in numero primario, quum ad haec usus fuerim, et adiutus V.ae Ill.mae Dominationis doctissimis scriptis, disputationious, non potui quin eo nomine, et Deo et vobis gratias agere, et insuper humillime petere, ut praecedenti adiumento communi, etiam aliquam particularem opem adiiciatis, cuius adminiculo fretus, et subsistere possim elevatus, et in stadio incepto non solum proficere, sed etiam ad metam propositam pervenire. Deus excitet plures Ill.mae Dominationi V.ae similes, et vos nobis diutissime servet, et toti Ecclesiae incolumes.
Compluti 18 decembris 1605.
Ill.mae D. V.ae
Humillimus filius, et servus
Jacobus Vadesvortus.