Page:EBC 1603 01 10 0316.pdf/1

Dilecte fili noster salutem, et apostolicam benedictionem. Quod tuis literis ad nosscriptis amanter fecisti, ut nobis a Beo Patre misericordiarum festos Natalitios dies faustos et felices optares, id nobis antequam easdem literas legeremus, ita persuasum ac certum, erat, ut illae nihil novi hoc de quaestione, ac multum tamen iucundi nobis attulerint; tua enim in Nos pietas et charitas iampridem perspecta est, et cor tuum in ipso nostro intuemur, in quo ut filius noster dilectus habitus in visceribus Iesu Christi. Illud autem inprimis nobis iucundum fuit, quod de tua salute ea accepimus, quae maxime optamus. Tum illa pergrata, quae narras de tua pastorali sollicitudine, et piis laboribus ad Dei gloriam, et Christi ovium istarum utilitatem, quae tibi sunt creditae. Gaudeamus in Domino, fili, quod talenta tua, quae multa, et praeclara a Deo accepisti multa, multo cum spirituali fructu in ista insigni Ecclesia negotieris, tibique divinae gratiae abundantiam precamur, ut uberiores in dies fructus, et lucra animarum Deo iuvante capias, et nos toto ex animo circumspectioni tuae nostra benedictione Apostolica benedicimus, atque ut pro nobis ores, ut pie te tacere non dubitamus, a te etiam atque etiam petimus, etc... Die 10 lanuarii 1603, Pontificatus nostri Anno XI.
Silvius Antonianus Cardinalis.