Page:EBC 1602 02 22 0226.pdf/1

Reverende Pater. Exulto, mihi crede, in Domino, quod inter tot rebelles filios quos in istis regionibua patitur pia mater Ecclesia, unum habeat tam obsequentem et morigerum, Illustrissimum videlicet Dominum Ioannem Comitem, ut in eo vere quiescere possit. Orandus est Deus, ut tam probum Principem diu servet incolumem, et non minus pietate et fervore, quam imperio et ditione augeat. Utinam multos similes haberet Germania; neque enim dubitandum esset, quin brevi, depulsis errorum tenebrie, pristinum veritatis lumen aspiceret. Pergat R.V. ut facit, in tam sancto opere, quod valde proprium Societatis nostrae esse videtur, et me in his ultimis annis ab uberibus matris avulsum, et negociis publicis implicatum orationibus adiuvet.[Romae,die 22 Februarii 1602.]