Ab anno Domini 400 ad 500
p. 105
numero librorum, tum ipse Augustinus, tum Possidius unius libelli oblitus fuerit, si hoc non placet, non habeo qod dicam, nisi librum alicuis esse, qui Augustinum in dialogo loquentem introduxit, quo modo M. Tullius Laelium & Catonem, Antonium & Crassum in dialogis loquentes facit.
Liber De praedestinatione & gratia non videtur esse Augustini, nam discrepat a phrasi & a doctrina Augustini, si quidem cap. 16 dicit hic auctor, hominem potuisse iuste a Deo damnari, etiamsi non peccasset.
Contrarium docet sanctus Augustinus in epistola 105 & 106 & libro secundo De peccatorum meritis & remissione cap. 16 & alibi, deinde nulla erat ratio cur hunc librum scriberet, qui tam copiose scripserat De praedestinatione sanctorum.
Denique liber hic neque a Possidio, neque a Beda, neque ab alio veteri testimonium habet.
Libellus De praedestinatione Dei non est S. Augustini, cum in extremo libro doceat, praedestinationem esse ex praeuisione operum, quam sententiam ubique sanctus Augustinus oppugnat.
Responsio ad articulos sibi falso impositos S. Prosperi est, & inter eius opera habetur.
Libri, qui inscribuntur Hypognosticon eruditi sunt & utiles & vetusti auctoris, sed phrasim non habent Augustini, neque a Possidio vel Beda vel alio vetere citantur sub nomine Augustini.
Liber De perfectione iustitiae S. Augustini est, non enim solum est in Indiculo, sed etiam citatur sub nomine Augustini in libro Contra Collatorem extremo a sancto Prospero & a venerabili Beda passim.
Liber De gestis contra Pelagium non extat in tomis S. Augustini, sed eum addidimus, quia nuper inuentus & typis mandatus est.
Tomi octaui haec sunt:
Tractatus in omnes Psalmos Dauidis, cuius operis mentio fit in Indiculo Possidii & omnium consensu Augustini sunt illi tractatus, sed eos partim concionando in populis, partim dictando confecit, ut ipse testatur in praefatione Psalmi 118.
Tomi noni haec sunt:
In Euangelium S. Ioannis tractatus, 124 – Indiculum.
In epistolam primam Ioannis tractatus, 10 – Indiculum.
In Apocalypsim Ioannis homiliae, 18.
Meditationum, liber 1.
De diligendo Deo, 1.
Soliloquiorum, 1.
Manuale, 1.
De triplici habitaculo, 1.
De scala Paradisi, 1.
De 12 gradibus abusionum, 1.
