Page:APUG 1199.djvu/15

Utrique mixtus inter et Comoediam:
Olim in theatro nobilis, verum duce
Stilicone postquam Roma Gotthorum iugo
Submissa barbarorum dedidicit manum
Afferre sceptris Gentium, latios simul
Dedocta mores exuit sensum simul
Latinitatis integrum: hic obmutuit
Tragoedus et Comoedus. hic et Tymelicus Thymelicus
Parodus et Rapsodus, et Mimus duplex,
Qui nunc Theatri rursus in lucem venit
Antiquitatis ductus ex aerario.
Qui bina ponunt genera scriptorum: benè
Demetrij loquuntur ex sententia.
Est qui Thersiten simulat in Comoedia.
Iocularis in qua pingitur deformitas.
Est qui decentes Gratias Tragoediae
Tradit severae. maior, et solito amplior
Maiora cuncta fingit, et quaerit gravis
Augusta verba rebus augustis stylus.
Tenet ille risu, rebus, et verbis levis:
Placet alter ore, moribus, cultu gravis
Hos Mimus inter, medius incessit, sale
Nec inficetus comico: et tragico prope
Affinis, omnes undique excerpit locos:
Neutrius expers, utriusque particeps

◅