domitorque Averni, merita te belli manet
tandem peracti palma, sic superis placet.
Leva gravatos pondere aerato toros *[1]
duroque Martis chalybe Bellonae ferum
insigne pone: Daedalâ pictum manu
beatitatis syrma felix indue
Conscende solium luce syderea micans *[2]
aurata scande sydera, perenni fluunt
ubi pura fonte gaudia, expulso metu.
Brevia laborum pensa, certamen leve,
aeternitatis pondus inmensum beat.*[3]
1us Age Phoebeia daphnide pubes,
omine fausto redimita caput,
ducis Hesperii nobile fatum
resona plectro, resona lingua.
Sydera scandat paean, paean
.
Romula pubes ter cane mecum
sydera scandat paean, paean.
2us Facis aetheriae, dempta favilla,
dia propago, pectoris ardor,
decus heroum, strenua virtus
caecis nunquam mersa tenebris
Stygias nunquam fertur ad umbras.
Ducis Hesperii nobile fatum
Sydera scandat paean, paean
.
Romula pubes ter cane mecum
sydera scandat paean, paean.
3us Humana procul culmina deserit
celeri virtus vecta quadriga,
