Page:APUG 1123.pdf/60

From GATE
This page has not been proofread

Iberus haustum. ALP.*[1] -Pignus 64.[2] hoc ultro cape
NIG. -Merces sequetur alia; tibi fulvum coquit
Orcus metallum. ALP. -Repete festinus Lares
Revise chartas. FERR. -Auream liceat prius
exosculari dextram. Redolet manus
quae fundit aurum. NIG. -Curre, veloci via.
Reverte iudex , captus Ignati dolis
inire tacitam natus attentat fugam.
FERR. -Mactabo ferro citius imprudens caput.

Scena Septima

Celsus, Ferrantus, Stellas
Conqueritur Celsus de Ferranti patris sui caecitate, quod is iniquae fautor causae S<anc>tum Ignatium insectaretur. Rerum humanarum pertaesus meditatur , fugam e parentis domo, ut se S<anc>ti Ignati
sociis adiungat. In via inter=

=cipitur a Ferranto.


CEL. - Tu mihi, Thalia blanda, tu mollis mihi.*[3]
Loyola Phoebus intimi cordis moves
qualisque chordas, intimae mentis feris
agitasque fibras. Ultima retineo memor
adhuc saluti monita. Quid necto moras,
quid cesso trepidus? Pareo, monentem sequor*[4].

Ite doloso gravidae luctu

fragili bullae tumidae vento
curaeque graves, nugaeque leves.
Huc age levibus vecta quadrigis
pia paupertas, aethere nata,

huc age blandis concita pennis,


  1. *Intrat Alpinus
  2. 64. Plures addit nummos
  3. *Aperta scena Celsus in parvo cubiculo solus apparet. Proicit a se poetam quem legebat sedensque ita fatur
  4. *Canit