par Phaëtonti splendida lampas,
torque radios luce benigna,
auras terrae mitte salubres,
tolle mortem, pelle pestem, solve morbos gentium,
quas veneno Ditis atro fascinavit haeresis
Ducis Hesperii nobile fatum
resona plectro, resona lingua.
Sydera scandat paean, paean
Romula pubes ter cane mecum
MYS. *-[1]Imo sepulta conditur terrae sinu
pyramis vetusta: Caucasi quondam iugis
excîdit arte Palladis Prometheus
fratrique misit Hespero. Pressus diu
ruderibus imis iacuit annosus labor,
nunc eruendus, namque fatorum abditus
sic ordo quondam cecinit, ut quisquis caput
novi draconis tunderet, moles vetus
eius sacraret nomen aereo situ.
Vos quadrigemini praesides almae soli
erigite nymphae: praebeat se ducem
Europa victrix: Africa sequatur comes,
sequatur Asia, barbaro et cultu rigens
America; moles ductili funi sequax
obtemperabit. Terra praepandit sinum,
locumque flamma signat. Interea, chore,
rursum canoris vocibus coelum feri.
Primus Angelus:
flammeis coeli pyropis.
- ↑ *Extrahitur a tabulato inferiori pyramis et in honorem militis attollitur
