Page:EBC 1619 02 18 2074.pdf/2

sententiam: idem quoque sentii D. Joannes Franciscus de Almeida haereticae pravitatis Inquisitor (hic enim duo sunt Inquisitores aequalis omnino dignitatis ac muneris, qui primarii Olysiponensis imperium agnoscunt) vir sane genere, pietate,doctrina spectatissimus, atque de me deque Madurensi causa optime meritus; cui pergratum mihi quoque fuerit si Ill.ma Dominatio V. meo nomine gratias agat, et si de dederit occasio, cumulatissime referat. Sed quamvis horum omnium sententiae Madurensis causae victoriam polliceantur, me tamen Ill.mae D.V. litterae maxime confirmant, in iis enim non modo jubet me bono esse animo, sed certissimam victoriae spem facit dum ait, tametsi hujusmodi discussiones et consultationes in urbe Goa fiant, omnia tamen Romae finienda sunt. Ill.ma D.V. nobis ac toti christianae Reipublicae diutissime vivai. Goae 18 februarii 1619.
Ill.mae ac R.mae D.V.
Indignus servus et filius in Christo
Robertus de Nobilibus
Ill.mo S Card. Bellarm.o

◅