Page:EBC 1616 09 04 1736.pdf/3

austeritatesque illas partim dispensatione, partim consuetudine fuisse relaxatas.
5° Ordinem illum cum abstinentia perpetua et jejunio ab Exaltatione S.tae Crucis usque ad Pascha fuisse institutum, et 400 pene annis in ea obligatione vixisse; post 400 autem annos ab institutione ejusdem Ordinis elapsos, cum pauci in ea austeritate vitam ducere dignoscerentur, Summus Pontifex a Praelato praedicti Ordinis ea dere monitus et rogatus ut de illa dispensaret, quandoquidem impossibile videbatur tantum Ordinis corpus ad illam abstinentiam cum jejunio memorato revocare, petitioni annuens dispensavit, donec ad pristinam illam austeritatem reduci possent, ut patet ex Bulla initio Institutorum nostrorum recentiorum posita.
Unde cum Monasteria praefata S.tae Marine Majoris Mussipontanae, Justimontis, et Salinvallis ad illam austeritatem et caeteras cum quibus orde est institutus, reducta sint, et in illis austeritatibus cupiant perseverare, rogant obnixe, ut sancta sedes dignetur hoc reformationis institutum, quo sese institutori suo et patribus suis primaris conformare studuerunt, sua auctoritate stabilire, et omnibus qui volent illud amplecti permittere ut in praedictis nostris Monasteriis vel in suis reformationem illam amplectantur.
6° Notandum est quod Summus Pontifex reformationem illam sua authoritate stabiliens, nihil novi confirmabit, sed antiquum duntaxat Ordinis Praemonstratensis institutum, a plurimorum Pontificum diplomatibus confirmatum praefatis Monasteriis restituet.
Ut autem Summus Pontifex possit clarius videro in quo haec reformatio consistit, articulos quibus tota nostra reformatio nititur, praesentium bajulus praesentabit et exponet.
Et ut quilibet reformationis illius professor ad illos articulos sese astrictum intelligat, pridie professionis suae illis subecribit et in instrumento sive actu professionis obedientiam secundum regulam D. Augustini et illos articulos promittit, renuntiatque, medio juramento, omnibus, circa illos articulos, dispensationibus, nisi a

◅▻