Page:Romani Collegii Societatis Jesu Musaeum Celeberrimum 1678.pdf/61

From GATE
Revision as of 09:41, 9 February 2017 by Visconti10 (talk | contribs)
This page has not been proofread


figuris aut imaginibus imbuuntur; quae tubo opticae lentis prius probè instructo, lumine Lucernae accensae intra obscuri cubiculòi candidum parietem aut expansum linteum ita ad vivum unà cum coloribus projiciuntur; ut omnes in admirationem rapiant. Verùm antequam ulterius progrediamur, hic silentio minime supprimendum duxi, dum video complures jactabundos vagabundosque Thrasones orbem circumcursantes qui hujus sibi lucernae inventionem famosius ad describere non verecundantur. Impostores sunt. Kircheri hoc inventum est, quod et multis in Musaeo suo variis modis jam ante 30 annos exhibuit, et tandem in Arte magna Lucis et Umbrae binis editionibus, potissimum in Ultima fol.768.fusius descripsit, ei demonstravit, multa similia sibi adscribunt inventa varii Authores noviter editi quae tamen successu temporis inventa suunt arcana Kircheri jam dudum edita.
Lucerna mirifica. Instrumentum est, quo lucis radius adeo intenditur, ut non solum intenebris, verùm etiam in clarissima diurna luce, adeò lumen intendat radios suos vibrando, ut prae splendoris exuberantia vix diceat inoffenso oculo, ejus lucem intueri; Artificium provenit ex segmento crystallini globi, cui retropositum lumen, et lucernarum more ex omni alia parte opacatum, tantum luminis fundit ut Solem orientem crederes, atque adeo ad lucentos pedes in tenebris, minuto quamvis charactere scripta, legenda praebas.
Crystallinae Sphaerae duae; globi suunt trium digitorum in diametro ex rupea crystallo singulari arte in perfectam sphaeram elaboratae; praestant duplicem effectum: primo transfusum solarem radium in punctum colligunt; ibidemque appositam ignis escam, et fomitem è vestigio accendut: objecta verò omnia scenicè catoptrica provectione exhibent; hos item effectus alias lentes praestare, experimento demonstratur; servit et ad caustica horologia concinnanda, quo hora monstrata accenditur ignis magno cum strepitu, et campanella pulsu horam monstrat.
Conclavia gemmata, et peristromatibus adornatissima apparent. Videbis hic Prismata Crystallina plura adeo unita, ut in duobus latetibus fecontingant; haec si valvarum foramini imponantur, atque reliqua luminis ostia occlutantur, ecce inobscuro cubiculo folis radius vitra medi ante speculo lenticulari pertransiens, undique muros candidos diversicoloribus peripetasmatis vestitos spectabis. Gemmarum verò apparatum habebis, si lentes diversicoloris vitri ad differentes angulos elaboratos in locum prismatum substituas, tunc et parietes intus & coloribus, et pretiosis lapidibus prorsus verisimilibus exornatos videbis.
Disces hinc qua ratione in speculo plano quascunque inscriptas literas trans lentes in obscurum conclave amico legendas transmittere possis: qua ratione ambulantium in platea publica aut foro species in cubiculum quodlibet trajicere possis; qualiter currentes horologii numeros in alieno loco apparere facias, et infinita alia.
Ultimo loco hic Tubus opticus cum fuo pede instructus perfectissimus conservaretur. Micorscopia, telescopia, aliaque id generis necessaria hic, utpote in copiosissima officina confervantur, quibus omnis generis experimenta in gratiam curiosorum advenarum exhibentur; ita iis ruptis fractisque nova semper ac nova, Authoris ingenium suppeditare solet.