Page:Romani Collegii Societatis Jesu Musaeum Celeberrimum 1678.pdf/60

From GATE
Revision as of 12:48, 17 April 2020 by Irene Pedretti (talk | contribs)
This page has been validated


<tabber> Latin= delatum, aut Imperatoria Majestas in throno conspicua cernitur, aut certè aliarum simulacra rerum.
Demonstrat hic solertissimus Author Elliptico speculo quàm mirificè haec figura conducat ad trajectionem radiorum solarium in longinqua distantia ignis pabula, unde inexpectatè horribiles flammas succendit.
Ad Dioptrica tandem divertere oportet, inter quae non parcè hic ludere videbis artem, et quidem intra Crystallinae Sphaerae septum. Miraberis Christi resurgentis effigiem sine omni subjecta materia comparere: Aviculam inter aqueam caveam garrulam luxuriari et circumsalire absque eo, quod madentis aquae irrigatione madefiat.
Exsurgit in medio Musaeo Ara Magnetica, cuius tres vitreae Sphaerae aquâ purissimâ repletae insistunt, quae et coelestium circulorum systemata deferunt, ex quibus non exiguo splendore irradiatae videntur effigies piissimi gregem Dei pascentis, et ad vota universae Christianorum Reipublicae, Sanctissimi, et Clementissimi Patris, et Pontificis Opt. Max. Clementis IX. ac ejusdem Pontificis Nepotis Eminentissimi Cardinalis Jacobi Rospigliosi inter laureum corymbum, quorum species ea arte spectantur, ut unde origo nascatur, ingoretur, ac vix perceptibile fiat despicientibus.
Lucerna Magica. Instrumentum est, quo, ope unius aut plurium lentium crystallinarum superificies, quibuscunque tandem, diapahanis tamen coloribus,