Page:Romani Collegii Societatis Jesu Musaeum Celeberrimum 1678.pdf/58

circumferentia in octo aequas partes divisa juxta speculorum imporendorum proportionata spacia, in quo tanquam in epitoma quadam et anacephalaeosi comprehenfum cernebatur, quicquid reflexo radio praestari potest, cum hac dispositione omnes dabiles angulos, sive rectos, sive acutos intra vel extra quadri inclinationem unico actu reflecterent, in hujus medio Elephanti effigies collocata integrum Elephantorum gregem, ex totaAsia et Africa collegisse videbatur.
Proteus Catoptricus. Haec uti et prior neglecta interiit. Speculum erat praegrande, in quo se ipsum intuens cernebat; machina vero tali arte compacta, ut immediate mutato situ speculi, ex tympano rotatili diversorum angulorum, modo caput suum in asininum, modo in caprinum, suinum aliorumque animalium transmutatum admiraretur, artificio ab Authore in Magia Catoptrica descripto.
Experimenta speculorum sphaericorum etiam nonnulla sunt, primatum vero merito obtinet prae grande speculum ustorium cavo convexum ex metallo conflatum, cujusque diameter ad tres palmos se extendit; hujus speculi ope folares radii collecti, denique iterum ad aliquot palmos refracti obejectum lignum accendit, et exulit ex cava speculi parte; ex parte verò convexa omnia circumsita corpora colligit, et eleganti proportione diminuit. Hujus speculi opera variorum Meccenatum effigies ad certam distantiam inversae prositae, secundum omens sui partes excipit, ac demum in medio aere volitantes libere sustinet. Diffundit insuper exceptum solis radium horizontaliter collocatum ad cubiculi, aut aulae cujusvis fenestras positum ac quodlibet superpositum corpus in tholo incomparabiliter augmentatum ad quemvis minimum et imperceptibilem motum in tholi aut fornicis partibus vagabundum phaenomena repraesentat.