Page:Romani Collegii Societatis Jesu Musaeum Celeberrimum 1678.pdf/57

actu spatium repraesentet. Vides ergo mox viridariorum ad utramque partem se opticè protendentium feries, ut oculus tuus tali labyrintho delusus in infinitum spacium, et campos protractum se putet.
Mutato mox plano machina te in tam uberem, et locupletem bibliothecam introducit, ut ejus apparatu, tot voluminum magnificam copiam vix credibilem fateri attonitus cogaris. Quae dum tibi ab oculis subducitur, se sistit in medium magnificentissimorum palatiorum, et fabricarum Theatrum, quo evanescente ecce Triclinium omni adornatum fructuum, et florum genere vel ipsum gustum allectantibus ciborum, et tragematum obsoniis, abunde refertum intueraris.
Ad hujus imitationem varias scenicas projectiones, ornatissima conclavia infiniti columnarum productarum ordines, varia ambulacrorum divertivula; Horti omni florum hac plantarum genere infructissimi; Mensae omni cupediarum genere refertissimae Thesauri inexhausti; anfractus infiniti repraesentari possunt.
Prospectiva Catoptrica: Occurrit infignis cistula, prospectum amplissimi palatii undequaque, apparatum magnificum tibi repraesentans, ubi ipsius platii incolam Dominicum, aulicorum copia stipatum, ac famulantium grege copioso circumdatum vides. Hujus capsulae fabrica haec est.
Fiare Cistula in longum ad tres palmos protracta; latitudinis, et altitudinis palmaris, haec in uno longiorum laterum medio, excisam habet fenestram paulò ampliorem semipalmo, intromittandae lucii inservientem, quam, vitro plano, aut velo pellucido ita operias, ne introspectam lucem impediat; in hujus opposito latere circa extremitates duae fiant, quae interiorum cubiculorum debitae symmetriae, et architecturae proportione ornatum, portasque conclavium oculis exponant, et introspicientibus deferviant.