Page:Romani Collegii Societatis Jesu Musaeum Celeberrimum 1678.pdf/53

sunt, ut liquores scypho tali lapide confecto, mirifico refrigerio statim imbuantur.
Adest praeterea copia vasorum Porcellaneorum in formam Idolorum, et figurarum Sinesium reducta.
Vides hic congeriem vasorum in modum scutellarum excavatarum; figurae sat amplae, sed pondere levissima, diversis figuris et tractibus subtilissimis varie effigiatae; ut etiam colorum multiplicitate depicta, ac demum vernice Sinco magni splendoris superinducto; vasa sunt ex Cucurbitis Americanis,Authori inde dono transmissa. Poculum ex Nephritico ligno, cui quemcunque liquorem imposueris, mox in coeruleum colorem tinctum reperies; atque adversus caclulum renum ex eo bibentis efficissima Medicina comprobatur.
Extat hic Ala plusquam palmaris Piscis volantis, seu Hirundinis marinae, qui AEolius Magnes ab Authore appellatur, de quo supra.
Ova Struthionis hic plura, et differentis magnitudinis reperiuntur, maximum palmum in diametro complent, candidissimae testae, et solidae sunt substantiae, ut in lapidem coaluisse videantur.
Indua, Japonia, Mexicum, Brasilia hoc Musaeum fuis replerunt curiosis donariis, inter quae pendet Gladius, seu Framea Japonica, Lamina est tripalmaris, modicum retorta, duarum unciarum latitudinis, utrimque duplicata, crenula elaborata, ex una parte in acutam aciem, ex alia vero fortiori dorso instructa, Vagina fortissima, ex nescio cujus piscis pelle elaborata tegitur.