Page:Prodromus coptus sive aegyptiacus (1636).djvu/97

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has been proofread


quinquaginta, adhuc, famelicos saturabat, nudos cooperiebat, infirmos curabat, mortuos sepelibat.
13. Tempore Tà sò cum omni parsimonia sua similis non est audita bonitas (erat hic Tà sò Bonzius secta Pagodus,) qui in maxima quadam congregatione Bonziorum, in qua agendum erat de rebus sectae suae, officio fungebatur hospitum excipiendorum, et procurandarum rerum unicuique necessariarum. (Ideo author tractando de operibus charitatis Oy siè hunc Tansò anteponit.) Sed tempore huius Evangelii similes homines videmus, sanctis operibus vacantes. Idcirco, ut in lucem irent opera tam heroica, lapidi huic magno ea insculpere volui. Dico itaque DEUS verus, expers principii, purus, quietus et immutabilis est, ille fuit primus Creationis artifex, aperuit terram, elevavit caelum; Una ex personis pro aeterna mortalium salute factus est homo, ascendit in altum solis instar, destruens tenebrosum, et in omnibus profundam veritatem stabiliens.
14. Splendidissimus ille Rex, qui verissime primus primorum Regum fuit, opportunitate usus omnem sustulit difficultatem, caelum dilatatum est, terra extensa. Clarissimum est Evangelium nostrum, quod regno