Page:Prodromus coptus sive aegyptiacus (1636).djvu/9

From GATE
Revision as of 16:33, 26 November 2018 by Lorenzo Mancini (talk | contribs)
This page has been proofread


Eminentissimo Principi


FRANCISCO
CARD: BARBERINO


S.R.E Vicecancellario


ATHANASIUS KIRCHERUS


è Soc. IESU


perpetuam felicitatem

Iacienda est, Eminentissime Princeps, mihi penè dixerim inuito, existimationis alea; dum hasce Coptae, seu Aegyptiacae linguae primitias, sub Eminentissimi Nominis tui splendore mentis oculorumque arbitrio committo, aequa atque iniqua variorum iudicia non iniquo animo praestolaturus. Et latuissent illa sane cum suo Authore, sicuti reliqua omnia, quae de priscam, atque hucusque incognitam Aegyptiorum symbolicam sapientiam indefesso studio, conatu pertinaci, iam compararam suppellectilia; nisi officiosa amicorum importunitas, armata deprecatio et amica quaedam vis, quotidiana pene expostulatione de manibus extorsisset. Quorum ego, si authoritatem aequè ac rationes enervare valuissem, animum meum procul dubio