Page:Prodromus coptus sive aegyptiacus (1636).djvu/9
From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has been proofread
CARD: BARBERINO
Iacienda est, Eminentissime Princeps, mihi penè dixerim inuito, existimationis alea; dum hasce Coptae, seu Aegyptiacae linguae primitias, sub Eminentissimi Nominis tui splendore mentis oculorumque arbitrio committo, aequa atque iniqua variorum iudicia non iniquo animo praestolaturus. Et latuissent illa sane cum suo Authore, sicuti reliqua omnia, quae de priscam, atque hucusque incognitam Aegyptiorum symbolicam sapientiam indefesso studio, conatu pertinaci, iam compararam suppellectilia; nisi officiosa amicorum importunitas, armata deprecatio et amica quaedam vis, quotidiana pene expostulatione de manibus extorsisset. Quorum ego, si authoritatem aequè ac rationes enervare valuissem, animum meum procul dubio
