Page:Prodromus coptus sive aegyptiacus (1636).djvu/367

From GATE
This page has been proofread


fabricam. Ex omnibus denique rebus naturalibus divinandi scientiam, item Incantationum, adiurationum, et amuletorum artem iis propriam, quo tamen argumento, ita conabimur procedere, ut impias veterum superstitiones una cum recentiorum deliramentis tot iam sacris Canonibus proscriptis evertamus, et funditus extirpemus.

VI. Classis Theologiae Hieroglyphicae.

In qua de vera Aegyptiorum Theologia docetur, videlicet de supremo Ente, seu Emepht eiusque asseclis intelligentiis. Item de Geniis mundi et Daemonibus; eorumque variis classibus et choris. Item de eorum per varias dispositiones attractu. Docetur, autem in hoc Theologiam Platonicam Pythagoricam, Orphicam, Hermeticam, non esse aliud nisi arcanam Aegyptiorum sapientiam Hieroglyphicis symbolis contentam.

OEDIPI AEGYPTIACI
PARS III.
THEATRUM HIEROGLYPHICUM.


In 6 Scenas distributum. In quo quicquid in praecedentibus varie allatum est, ad praxim reducitur; et hieroglyphicis disciplinis comprehendi docetur.

Adytum Isiacum.

In quo Mysteria pyramidum et obeliscorum in genere discutiuntur.
Scena I. Exhibet Obeliscos a Romanis Imperatoribus