Page:Prodromus coptus sive aegyptiacus (1636).djvu/274
Plura hoc loco de admirandis observationibus Aegyptiorum circa Scarabaei naturam et proprietates maiori mundo prorsus analogas proferre possem, ut, quomodo totius mundi partes in corpuscolo suo expressas teneat; quin Solis et Lunae motum per Zodiacum imitetur, aliaque non minus iucunda, quam erudita preferre possem, verum quia ea omnia Oedipo nostro reservavimus, supervacaneum esse ratus sum iis diutius hic inhaerere, qui interim de Scarabaeo plura desiderat, praeter Latinos Graecosque naturalium rerum Scriptores consulat, Pandectarium quoque Arabicum voce Elluchasem l. de animalibus. R. Eliezer in comment: in Levit: in linea 58. quae incipit Tractatum denique de parabolis vulpium. parab: de Scarabaeo et aquila. Atque haec de Scarabaeo sufficiant.
Secundum symbolum humani capitis Scarabaeo coaptatam figuram exhibet, qua nota nihil aliud denotari, quam Orum Isidis et Osiridis[1] filium Bembina Tabula clara docet, quem sub vittati pueri ac falciis, reticulatioque amictu involuti specie passim exprimit. (vide figuram secundam infimi spacii Tabulae Bembianae) quo habitu in plurimis gemmis quoque effictus cernitur. Asacerdotibus quoque sub forma infantis certis solennitatibus Ori imaginem circumferri so
- ↑ Marginalia: 'Orus sub forma pueri vittati et fasciis involuti pingitur'.
