Page:Prodromus coptus sive aegyptiacus (1636).djvu/267

From GATE
There was a problem when proofreading this page


. Numerum enim inventionis et mensurae maxime ex animantibus videtur praebuisse Aegyptiis, sicuti ex circulis obliquus. Atque ex his omnibus ita probatis patet, hunc Ibiacum characterem A non sine mysticis rationibus Bonum Genium praefigurasse; cum enim, praeterquam, quod ipsum nomen Aegyptiacus perfecto monogrammo, sicuti Niliacum exprimat, e Genialis quoque volucris incessu ab ipso Aegypti Agathodaemone Mercurio primo inventus fuerit, ut dictum est, certe congruentius ei symbolum nulla ratione convenire poterat. Dicta autem postmodum haec Ibiaca litera a Cadmo Alpha[1], eo quod Aluph (ita enim lingua phoenicum quibus Aegyptias literas primus tradebat Cadmus, Bovem vocant) maximum Agyptiorum Numen, eorumque veluti Dux et caput haberetur. quod inde ad Graecos, et hinc ad Romanos, et caetersa Nationes postea traductum, inter omens populorum literas principatum tandem obtinuit; ita Plutarch: l. 9. Sympos: q. 3. [2]. Cadmum ferunt ideo Alpha primam literam posuisse, quod ita Phoenicum lingua dicitur, quem non secundum, aut tertium, uti Hesiodus, sed primum locum inter

  1. Marginalia: 'Ibiaca litera A a Cadmo cur Alpha dicta'.
  2. Marginalia: 'Plutarchus l. 9 Symp: q. 3.'.
Ibiaca litera A a Cadmo cur Alpha dicta +  and Plutarchus l. 9 Symp: q. 3. +