Page:Prodromus coptus sive aegyptiacus (1636).djvu/229

From GATE
Revision as of 09:53, 31 January 2019 by Lorenzo Mancini (talk | contribs)
This page has been proofread


sit, et posteris temporibus e chirographico, seu currente Hebraeorum charactere, (uti clare alibi demonstrabimus) profluxerit; Sed Agarenorum esse, seu Saracenorum Africanorum; hos enim literis Arabicis super lineas data opera ductas veluti concatenatis, olim καλλιγραφιας ergo uti solitos, e variis numismatum inscriptionibus comperio; et celebratissima illa inscriptio Arabica, quam Georgius Gualterius in antiquitatibus Siculis in S Restituta, in marmore quodam perpetuo venustissime super lineas agglutinatis spectabilem proponit, abunde testatur. Verum cum multae passim hoc charactere inscriptiones factae, circum ferantur, visum fuit dictorum characterum Alphabetum, praesertim cum a nemine id praestitum adhuc sciam, hoc loco apponere, ut si huiusmodi quandoque inscriptiones in manus Arabicae linguae periti inciderint (uti in meas non infrequenter inciderunt) clavem qua ad interiora eius facilius penetrare possit, hic reperiret.

Alphabetum

Characterum AgarenorumSeu

Saracenorum in Africa